पुणे : शिवदर्शन मित्र मंडळ ट्रस्टच्या वतीने टिळक रोड येथे साकारण्यात आलेल्या ‘काली माता – आदिशक्ती’ या भव्य जिवंत देखाव्याला हजारो भाविकांनी उत्स्फूर्त प्रतिसाद दिला. आकर्षक वेशभूषा, प्रभावी सादरीकरण आणि नेत्रदीपक प्रकाशयोजनेमुळे हा देखावा भाविकांच्या आकर्षणाचा केंद्रबिंदू ठरला. आदिशक्तीचे सामर्थ्य, महिलांचा सन्मान आणि स्त्रीशक्तीचा जागर यांचा प्रभावी संदेश या उपक्रमातून देण्यात आला.
पुण्यात गणेश विसर्जन मिरवणुकीदरम्यान शिवाजीनगर पोलिसांनी मोठी कारवाई करत मोबाईल चोरी आणि दरोड्याच्या तयारीत असल्याच्या आरोपाखाली ११ जणांना अटक केली आहे. आरोपींकडून ६३ महागडे मोबाईल, एक शेवरलेट क्रूझ कार, चाकू, कटर आणि मिरची पावडरसह एकूण ३० लाख ५७ हजार ५० रुपयांचा मुद्देमाल जप्त करण्यात आला आहे.
पुण्यातील भारती विद्यापीठ पोलीस ठाण्यात चार जणांना कोठडीत मारहाण करून भररस्त्यात गुडघ्यांवर चालण्यास भाग पाडल्याच्या आरोपावरून १३ पोलीस अधिकारी व कर्मचाऱ्यांविरोधात CID ने गुन्हा दाखल केला आहे. महाराष्ट्र राज्य मानवी हक्क आयोगाच्या निष्कर्षांनंतर ही कारवाई करण्यात आली असून, व्हिडिओ पुरावे आणि पोलीस नोंदींमधील तफावतींचा तपास सुरू आहे.
पुण्यातील गणेश विसर्जन मिरवणुकीदरम्यान वीजपुरवठा सुरळीत आणि सुरक्षित ठेवण्यासाठी महावितरणने विशेष नियोजन केले आहे. पर्वती, शिवाजीनगर आणि रास्तापेठ विभागांत अधिकारी-कर्मचाऱ्यांची पथके तैनात करण्यात आली असून, लक्ष्मी रोडवर विशेष देखरेख कक्षही उभारण्यात येणार आहे.
पुण्यातील स्वारगेट परिसरात भरदुपारी तीन अज्ञात तरुणांनी दुचाकीस्वाराकडील ४ ते ५ लाख रुपये असलेली बॅग हिसकावण्याचा प्रयत्न केला. मात्र, त्यांनी प्रतिकार करताच आरोपींनी त्यांच्या पाठीवर आणि बरगडीवर कोयत्याने वार केले. संपूर्ण घटनेचे सीसीटीव्ही फुटेज पोलिसांच्या हाती लागले आहे.
पवना नदी प्रदूषण प्रकरणात महाराष्ट्र प्रदूषण नियंत्रण मंडळाच्या तपासणीत तीन औद्योगिक युनिट्स आणि एका बांधकाम व्यावसायिकाची जबाबदारी निश्चित करण्यात आली आहे. संबंधितांवर सुमारे ₹2.75 कोटींची पर्यावरण नुकसान भरपाई निश्चित करण्यात आली असून, याबाबतचा अहवाल राष्ट्रीय हरित लवादासमोर सादर करण्यात आला आहे. आता PCMC हद्दीतील प्रदूषणाचीही संयुक्त समितीमार्फत स्वतंत्र तपासणी करण्याची मागणी करण्यात येणार आहे.
पुण्यातील रक्तपेढ्यांमध्ये रक्ताचा तुटवडा जाणवत असताना युवा स्पंदन सोशल फाउंडेशन आणि रक्षक नगर फेज २, खराडी यांच्या संयुक्त विद्यमाने रक्तदान शिबिराचे आयोजन करण्यात आले. नागरिकांच्या उत्स्फूर्त प्रतिसादातून 120 हून अधिक रक्तपिशव्या संकलित करण्यात आल्या.
हिंजवडी, मान आणि मारुंजी परिसरातील वाहतूक कोंडी व रस्त्यांच्या समस्यांवर कायमस्वरूपी तोडगा काढण्यासाठी प्रशासनाने हालचाली वेगवान केल्या आहेत. सहा प्रमुख रस्त्यांसाठी आवश्यक भूसंपादनाची 60 ते 70 टक्के प्रक्रिया 15 ऑक्टोबरपर्यंत पूर्ण करून 1 डिसेंबरपासून प्रत्यक्ष कामांना सुरुवात करण्याचे उद्दिष्ट निश्चित करण्यात आले आहे.
पुण्यातील येरवडा शास्त्रीनगर येथील हॉटेल वर पोलिसांनी छापा टाकून कथित सेक्स रॅकेटप्रकरणी एका आरोपीला अटक केली. पीडित महिलांची सुटका करण्यात आली असून पुढील तपास सुरू आहे.
पुणे-बेंगळुरू महामार्गावरील जांभुळवाडी परिसरात मध्यरात्री भीषण अपघात झाला. एका अशोक लेलँड ट्रकने पुढील आयशर टेम्पोला धडक दिल्यानंतर वाहने विरुद्ध दिशेच्या मार्गिकेत गेली आणि एर्टिगा व टाटा अल्ट्रोजला धडकली. दुर्घटनेत दोघांचा मृत्यू झाला असून 12 जण जखमी झाले आहेत. त्यापैकी तिघांची प्रकृती गंभीर आहे.
पवना नदी प्रदूषणमुक्ती प्रकल्पासाठी निधीच्या उपलब्धतेवरून नवा वाद निर्माण झाला आहे. अधिवक्ता कृणाल घारे यांनी PCMCकडे हजारो कोटींची आर्थिक साधने उपलब्ध असताना नदी स्वच्छतेसाठी बाहेरील निधीची प्रतीक्षा का केली जात आहे, असा सवाल उपस्थित केला आहे. प्रकल्प रखडल्यास जबाबदारी निश्चित करून NGTसमोर पर्यावरणीय नुकसानभरपाईची मागणी केली जाईल, असेही त्यांनी स्पष्ट केले.
लोहगड किल्ल्यावरील केतन अग्रवाल हत्या प्रकरणात पोलिसांनी आणखी एका आरोपीला अटक केली आहे. रितेश हिंगे याला हत्येच्या कटाची माहिती असल्याच्या संशयावरून ताब्यात घेण्यात आलं असून, चेतन चौधरीसोबतच्या डिलीट केलेल्या WhatsApp चॅटमुळे तपासाला नवं वळण मिळालं आहे. हत्येच्या दिवशी रितेशला लोहगडावर येण्यास सांगण्यात आलं होतं, मात्र त्याने नकार दिल्याची माहिती समोर आली आहे.
पुण्याच्या जुन्या सांगवी परिसरात दहीहंडी उत्सवानंतर लोखंडी सांगाडा हटवताना घडलेल्या दुर्घटनेत ४५ वर्षीय सलमा सलाउद्दीन पठाण यांचा दुर्दैवी मृत्यू झाला. विशेष म्हणजे, मृत महिलेचा मुलगा संबंधित मंडळाशी जोडलेला असल्याने कुटुंबीयांनी मंडळाविरोधात तक्रार देण्यास नकार दिल्याची माहिती समोर आली आहे.
भोसरी पोलीस ठाण्यात दाखल गुन्ह्यात अटक करण्यात आलेल्या रवी बळीराम तेलंगे यांना मुंबई उच्च न्यायालयाने जामीन मंजूर केला आहे. सुमारे साडेसहा महिने तुरुंगात राहिल्यानंतर त्यांची ₹10 हजारांच्या बाँडवर सुटका करण्याचे आदेश न्यायालयाने दिले आहेत.
बनावट प्रमाणपत्रे आणि शेल कंपन्यांच्या माध्यमातून झालेल्या कथित २,१४३ कोटी रुपयांच्या आर्थिक गैरव्यवहाराच्या तपासात पुण्याचे कनेक्शन समोर आले आहे. पुण्यातील एका खासगी बँकेच्या शाखेतून सुमारे २०० कोटी रुपयांचे संशयास्पद व्यवहार परदेशात झाल्याचा संशय असून, आयकर विभागाकडून या व्यवहारांची चौकशी सुरू आहे.
कल्याणी नगरमधील नागरिकांनी कायदा-सुव्यवस्था, ध्वनिप्रदूषणाविरोधातील कारवाई आणि नागरिकांच्या तक्रारींवर तत्पर प्रतिसादाबद्दल येरवडा पोलीस विभागातील वरिष्ठ अधिकाऱ्यांचा सत्कार केला. गणेश चतुर्थीच्या पार्श्वभूमीवर अधिकाऱ्यांना श्रीगणेशाची फ्रेम भेट देण्यात आली, तर पोलिस कर्मचाऱ्यांना राखी बांधून नागरिक-पोलीस विश्वासाचे नाते अधिक दृढ करण्यात आले.
रुपाली चाकणकर यांच्याबाबत सोशल मीडियावर खोटी, अश्लील आणि बदनामीकारक माहिती प्रसारित केल्याचा आरोप करत त्यांनी पोलिसांत तक्रार दाखल केली. फेसबुक, इन्स्टाग्राम, युट्यूब आणि ट्विटरवरील काही अकाउंट्सचा तक्रारीत उल्लेख असून, पुणे पोलिसांनी 21 ऑगस्ट रोजी गुन्हा नोंदवला आहे.
पुण्यात गणेशोत्सवाच्या ध्वनीव्यवस्थेवरील संभाव्य निर्बंधांवरून शिवसेना आक्रमक झाली आहे. यंदा स्पीकर आणि ध्वनिक्षेपकांवर नवे कठोर निर्बंध लागू करू नयेत, तसेच कोणताही अंतिम निर्णय घेण्यापूर्वी गणेश मंडळांना विश्वासात घ्यावे, अशी मागणी करण्यात आली आहे. प्रशासनाकडून चार बेस आणि चार टॉपच्या ध्वनीव्यवस्थेचा प्रस्ताव चर्चेत असल्याने अंतिम निर्णयाकडे सर्वांचे लक्ष लागले आहे.
पुण्यात २०२३ मध्ये झालेल्या भीषण रस्ता अपघातात कर सल्लागार मकरंद जिंदे यांचा मृत्यू झाला होता. त्यांच्या कुटुंबीयांनी दाखल केलेल्या नुकसानभरपाईच्या दाव्यावर सुनावणी करताना मोटार अपघात दावा प्राधिकरणाने १ कोटी १८ लाख १६ हजार ५५६ रुपये नुकसानभरपाई देण्याचे आदेश दिले.
sahir shaikh
.png)
.png)
-1.jpg)
-1.png)
