दिवाळी म्हणजे आनंद, उत्साह आणि आपुलकीचा सण! मात्र, समाजातील अनेक वंचित मुलांना आर्थिक परिस्थितीमुळे या सणाचा आनंद घेता येत नाही. अशाच मुलांच्या आयुष्यात दिवाळीचा आनंद फुलवण्यासाठी शिवसेनेचे नेते तथा माजी उपमहापौर आबा बागुल आणि आबा बागुल मित्र परिवाराच्या वतीने गेल्या २१ वर्षांपासून राबविण्यात येणारा अनोखा दिवाळी उपक्रम यंदाही मोठ्या उत्साहात पार पडला.
दिवाळीनिमित्त गावी जाणाऱ्या प्रवाशांची वाढती गर्दी लक्षात घेऊन पुणे रेल्वे विभागाने विशेष नियोजन केले आहे. पुणे रेल्वे स्थानकावरील गर्दी कमी करण्यासाठी हडपसर आणि खडकी स्थानकांवरून ९९ विशेष रेल्वे फेऱ्यांचे नियोजन करण्यात आले आहे. तसेच दानापूरकडे जाणाऱ्या गाड्यांना एका दिवसात ३६ अतिरिक्त जनरल डबे जोडण्यात आले आहेत.
अभिनेते रमेश परदेशी (पिठ्या भाई) यांनी फेसबुक पोस्टद्वारे पुण्यातील अनियंत्रित शहरीकरण आणि वाढत्या व्यावसायिकीकरणावर तीव्र नाराजी व्यक्त केली आहे. प्रभात रोड आणि भांडारकर रोडसारख्या शांत परिसरांचे स्वरूप झपाट्याने बदलत असल्याची खंत व्यक्त करत, रहिवासी भागात बहुमजली आणि व्यावसायिक प्रकल्पांना परवानगी देण्यावर त्यांनी प्रश्नचिन्ह उपस्थित केले. वाढती लोकसंख्या, संभाव्य पाणीटंचाई, झाडांची घट आणि कचरा व्यवस्थापनाच्या समस्यांकडे लक्ष वेधत त्यांनी नियोजनबद्ध विकास आणि कठोर प्रशासनिक उपाययोजनांची मागणी केली.
पुणे : पुणे–सोलापूर महामार्गावरील वाढती वाहतूक आणि वारंवार होणारी वाहतूक कोंडी कमी करण्यासाठी प्रशासनाने आणखी एक महत्त्वाचा निर्णय घेतला आहे. हडपसर ते येवत या मार्गावरील वाहतूक सुरळीत करण्यासाठी जून २०२५ मध्ये उड्डाणपूल उभारण्यास मंजुरी देण्यात आली होती. त्यानंतर आता महामार्गावर *सात ठिकाणी नवीन भुयारी मार्ग (अंडरपास)* उभारण्याच्या प्रकल्पाला सुरुवात झाली आहे.
या प्रकल्पासाठी सुमारे "दीडशे कोटी रुपयांचा खर्च" अपेक्षित असून, कामाला प्रत्यक्ष सुरुवात करण्यात आली आहे. महामार्गावरील स्थानिक आणि मुख्य वाहतूक वेगवेगळी करण्याच्या उद्देशाने हा महत्त्वाकांक्षी प्रकल्प राबविण्यात येत आहे.