Gayatri Laxmikant Mali कडील सर्व बातम्या
Gayatri Laxmikant Maliआशियाई क्रीडा स्पर्धा २०२६ मध्ये भारताच्या मीराबाई चानूने ऐतिहासिक कामगिरी करत वेटलिफ्टिंगमध्ये रौप्यपदक पटकावलं. स्नॅचमध्ये ८७ किलो आणि क्लीन अँड जर्कमध्ये १११ किलो असं एकूण १९८ किलो वजन उचलत तिने भारताची २८ वर्षांची पदकाची प्रतीक्षा संपवली. हे तिच्या कारकिर्दीतील पहिलं आशियाई क्रीडा स्पर्धेचं पदक ठरलं.
Gayatri Laxmikant Maliधार्मिक सण-उत्सव आणि मिरवणुकांदरम्यान सार्वजनिक ठिकाणी फटाके फोडण्यास मुंबई उच्च न्यायालयाने बंदी घातली आहे. ध्वनीप्रदूषणाच्या नियमांचे उल्लंघन करणाऱ्यांवर कठोर कारवाई करून त्यांची उपकरणे जप्त करण्याचे आदेशही न्यायालयाने दिले आहेत. मंडळांना ध्वनिक्षेपकांच्या वापरासाठी मिळालेली परवानगी सार्वजनिकरीत्या प्रदर्शित करणे बंधनकारक असेल.
Gayatri Laxmikant Maliजागतिक स्तरावर यंदा कापसाच्या उत्पादनापेक्षा सूतगिरण्यांकडून अधिक मागणी राहण्याचा अंदाज आहे. आंतरराष्ट्रीय बाजारातील संभाव्य तूट आणि चांगल्या गुणवत्तेमुळे भारतीय कापसाला निर्यातीच्या नव्या संधी मिळण्याची शक्यता असून, जळगावमध्ये हंगामाच्या सुरुवातीलाच कापसाला प्रतिक्विंटल 8,500 रुपयांपर्यंत भाव मिळत आहे.
-1.jpg)
Gayatri Laxmikant Maliइंडिगोच्या देशांतर्गत विमानातून लहान बाळासोबत प्रवास करणाऱ्या कुटुंबांचा खर्च वाढणार आहे. एअरलाइनच्या सध्याच्या अधिकृत शुल्क यादीत दोन वर्षांखालील बालकांसाठी देशांतर्गत प्रवासाचे शुल्क ₹3,000 नमूद करण्यात आले आहे. विशेष म्हणजे या बालकांना स्वतंत्र सीट दिली जात नाही आणि त्यांना पालकांच्या मांडीवरच प्रवास करावा लागतो.
-1.jpg)
Gayatri Laxmikant Maliभारतीय क्रिकेटपटू पृथ्वी शॉ आणि अभिनेत्री-सोशल मीडिया इन्फ्लुएन्सर आकृती अग्रवाल यांनी परस्पर संमतीने आपला साखरपुडा मोडण्याचा निर्णय घेतला आहे. आकृतीने सोशल मीडियावर भावनिक पोस्ट शेअर करत या निर्णयाची माहिती दिली असून, त्यांच्या वैयक्तिक आयुष्याबाबत अफवा किंवा तर्कवितर्क न करण्याची विनंती केली आहे
Gayatri Laxmikant Maliमराठवाडा आणि विदर्भातील काही भागांत पावसाने दीर्घकाळ दडी मारल्याने सोयाबीनसह खरीप पिके संकटात सापडली आहेत. पिकांच्या नुकसानीने हतबल झालेल्या शेतकऱ्यांनी सोयाबीनची तिरडी काढून प्रतीकात्मक अंत्ययात्रा काढली आणि स्मशानभूमीत अंत्यसंस्कार करत आपली व्यथा मांडली.
Gayatri Laxmikant Maliमुख्यमंत्री माझी लाडकी बहीण योजनेबाबत RTIमधून समोर आलेल्या माहितीनुसार, जुलै 2024 ते जुलै 2026 या कालावधीत योजनेअंतर्गत ₹78,700 कोटींचे वितरण करण्यात आले आहे. डिसेंबर 2024 मध्ये 2.46 कोटी महिलांना लाभ मिळत होता; जुलै 2026 मध्ये ही संख्या 1.64 कोटींवर आली आहे.
Gayatri Laxmikant Maliयशचा ‘टॉक्सिक: ए फेयरी टेल फॉर ग्रोन-अप्स’ 25 सप्टेंबर 2026 रोजी ZEE5 वर रिलीज होण्याची शक्यता आहे. मात्र OTT तारीख आणि प्लॅटफॉर्मबाबत अद्याप अधिकृत घोषणा झालेली नाही.
Gayatri Laxmikant Maliमुख्यमंत्री देवेंद्र फडणवीस यांच्या अध्यक्षतेखाली झालेल्या राज्य मंत्रिमंडळाच्या बैठकीत सात महत्त्वाचे निर्णय घेण्यात आले. ऊस उत्पादक शेतकरी आणि सहकारी साखर कारखान्यांना दिलासा देण्यासह विविध विभागांशी संबंधित प्रस्तावांना मंजुरी देण्यात आली.
Gayatri Laxmikant MaliTeam India Playing XI vs Afghanistan 2nd T20I: भारत आणि अफगाणिस्तान यांच्यातील दुसरा टी-20 सामना मंगळवारी दिल्लीतील अरुण जेटली स्टेडियमवर खेळवला जाणार आहे. मालिकेत 1-0 ने आघाडीवर असलेल्या टीम इंडियाच्या प्लेइंग-11 मध्ये या सामन्यासाठी महत्त्वाचे बदल होण्याची शक्यता आहे.
Gayatri Laxmikant Maliगणेशोत्सवाच्या पार्श्वभूमीवर डीजे आणि डॉल्बीच्या वापरावरून वाद सुरू असताना ॲड. गुणरत्न सदावर्ते यांनी राज ठाकरेंना “डीजे बंद करून दाखवा” असे थेट आव्हान दिले. डीजेमुळे कोणाला त्रास होत असल्यास आपल्याशी संपर्क साधावा, असेही सदावर्ते म्हणाले.
Gayatri Laxmikant MaliMPSC औषध निरीक्षक प्रश्नपत्रिका फुटीप्रकरणी आयोगातील किंवा आयोगाबाहेरील कोणत्याही व्यक्तीचा सहभाग आढळल्यास कठोर कारवाई केली जाईल, असा शब्द मुख्यमंत्री देवेंद्र फडणवीस यांनी विद्यार्थ्यांना दिला. परीक्षा प्रक्रिया अधिक पारदर्शक करण्यासाठी उच्चस्तरीय समिती स्थापन करण्यात आली असून, भविष्यात पेपरफुटीच्या घटना टाळण्यासाठी आवश्यक सुधारणा केल्या जाणार आहेत.
Gayatri Laxmikant Maliकांद्याच्या वाढत्या दरामुळे ग्राहकांना दिलासा देण्यासाठी केंद्र सरकारने बफर स्टॉकमधील सुमारे 4 हजार टन कांदा 17 शहरांत विक्रीसाठी उपलब्ध केला आहे. निवडक शहरांमध्ये ₹35 प्रति किलो दराने कांदा विकला जात असून, सरकारकडे 2026 साठी सुमारे 1.21 लाख टनांचा बफर स्टॉक आहे. નવી खरीप कांद्याची आवक सुरू झाल्यानंतर दर कमी होण्याची शक्यता आहे.
Gayatri Laxmikant Maliपुण्यात यंदाच्या गणेशोत्सवात लेझर लाईटवर बंदी कायम राहणार असून, डीजे आणि ध्वनीक्षेपकासाठी न्यायालयाच्या नियमांचे काटेकोर पालन करावे लागणार आहे. नियमांचे उल्लंघन करणाऱ्यांवर गुन्हा दाखल करण्याचा इशारा जिल्हाधिकारी जितेंद्र डूडी यांनी दिला आहे. दरम्यान, वाढत्या ध्वनीप्रदूषणाविरोधात राष्ट्रीय मानवाधिकार आयोगाकडे तक्रार दाखल करण्यात आली असून MPCB ला कारणे दाखवा नोटीस बजावण्यात आली आहे.
Gayatri Laxmikant Maliतामिळनाडूतील 52 प्रमुख मंदिरांमध्ये स्मार्टफोन वापरावर बंदी लागू करण्यात आली आहे. भाविकांना प्रवेशापूर्वी मोबाईल जमा करावा लागणार असून, सेल्फी, रील्स आणि व्हिडिओ शूटिंगलाही मनाई आहे. विशेष म्हणजे, VIP आणि सेलिब्रिटींनाही या नियमातून सूट नाही. मंदिरांची पवित्रता आणि शांतता कायम ठेवण्यासाठी हा निर्णय घेण्यात आला आहे.
Gayatri Laxmikant MaliMPSCच्या औषध निरीक्षक, गट-ब पदाच्या पेपरफुटी प्रकरणात मुंबई गुन्हे शाखेने मोठी कारवाई करत MPSCच्या तीन अधिकाऱ्यांसह सहा जणांना अटक केली आहे. याप्रकरणी संपूर्ण भरती प्रक्रिया रद्द करण्यात आली असून फेरपरीक्षा घेतली जाणार आहे. यापूर्वी अर्ज केलेल्या उमेदवारांना पुन्हा अर्ज करण्याची किंवा परीक्षा शुल्क भरण्याची गरज नसणार आहे.
Gayatri Laxmikant Maliमुख्यमंत्री देवेंद्र फडणवीस यांनी मराठवाड्याच्या पाणीप्रश्नावर मोठे आश्वासन दिले आहे. कृष्णा नदीच्या पुराचे अतिरिक्त पाणी उजनी धरणात आणून धाराशिव आणि बीड जिल्ह्यांना देण्याची योजना राबवली जाणार आहे. यंदा दुष्काळाची शक्यता लक्षात घेऊन तातडीच्या उपाययोजनांसह मराठवाड्याचा पाण्याचा कायमस्वरूपी प्रश्न सोडवण्याचे आश्वासन मुख्यमंत्र्यांनी विरोधी पक्षांच्या खासदारांना दिले. बैठकीत विविध मतदारसंघांतील विकासकामे आणि समस्यांवरही चर्चा झाली.
Gayatri Laxmikant Maliलातूरच्या औसा तालुक्यातील उजनी येथील जिल्हा परिषद शाळेची दुरवस्था पाहून अभिजीत दिपके यांनी शिक्षण व्यवस्थेवर टीका केली. विद्यार्थ्यांना मूलभूत सुविधा मिळत नसल्याचा आरोप करत त्यांनी शिक्षणमंत्री दादा भुसे यांच्या राजीनाम्याची मागणी केली. ‘स्कूल ठीक करो’ अभियानांतर्गत पाहणीदरम्यान शाळेची रखडलेली कामे, सुविधांचा अभाव आणि ग्रामस्थांच्या तक्रारीही समोर आल्या.
Gayatri Laxmikant Maliनागपुरातील नरेंद्रनगर परिसरात प्रेमत्रिकोणातून दोन गुन्हेगारी पार्श्वभूमीच्या तरुणांमध्ये रस्त्यावर जोरदार हाणामारी झाली. या संघर्षात गौरव राऊतने गौरव रगडेच्या छातीत चाकूने वार केल्याचा आरोप आहे. गंभीर जखमी रगडेला रुग्णालयात नेले असता डॉक्टरांनी मृत घोषित केले. या प्रकरणी पोलिसांनी आरोपीला ताब्यात घेतले असून पुढील तपास सुरू आहे.
Gayatri Laxmikant Maliशक्तिपीठ महामार्गाविरोधात सांगलीत २१ ऑगस्ट रोजी विराट मोर्चा काढण्यात आला. यावेळी जयंत पाटील यांनी सरकारवर निशाणा साधत “शक्तिपीठासाठी सरकारचा अतिरेक परतवून लावू” असा इशारा दिला. सतेज पाटील, राजू शेट्टी आणि महादेव जानकर यांच्यासह मोठ्या संख्येने नागरिक व महिला मोर्चात सहभागी झाले. सरकारने महामार्गाच्या निर्णयाचा पुनर्विचार करावा आणि सत्ताधारी आमदार-खासदारांनी आपली भूमिका स्पष्ट करावी, अशी मागणी करण्यात आली.
Gayatri Laxmikant Maliछत्रपती संभाजीनगरच्या तिसगावमध्ये १८ वर्षीय मुलाने डोंगरावरून उडी घेतल्यानंतर त्याला वाचवताना आई-वडीलही खाली पडले. या दुर्घटनेत तिघांचाही दुर्दैवी मृत्यू झाला.
Gayatri Laxmikant Maliनवी दिल्लीतील इंदिरा गांधी एरिनामध्ये सुरू असलेल्या बॅडमिंटन वर्ल्ड चॅम्पियनशिपच्या तिसऱ्या दिवशी पीव्ही सिंधू, आयुष शेट्टी, ध्रुव कपिला आणि तनिषा क्रास्टोसह भारतीय खेळाडू मैदानात उतरणार आहेत. याशिवाय चोऊ तिएन-चेन, लोह कीन यू, जोनाथन क्रिस्टी आणि ली शिफेंग यांसारख्या दिग्गजांच्या सामन्यांमुळे आजचा दिवस रोमांचक ठरणार आहे.
Gayatri Laxmikant maliE20 पेट्रोलच्या वापरामुळे जुन्या वाहनांच्या मायलेजमध्ये घट आणि काही पार्ट्सच्या देखभालीबाबत तक्रारी वाढल्याच्या पार्श्वभूमीवर केंद्र सरकार जुन्या वाहनांसाठी पुन्हा E10 पेट्रोल उपलब्ध करण्याचा विचार करत आहे. E10 आणि E20 दोन्ही पर्याय उपलब्ध झाल्यास वाहनधारकांना त्यांच्या वाहनाच्या क्षमतेनुसार इंधन निवडता येईल; मात्र दोन्ही इंधनांच्या स्वतंत्र वितरणासाठी सरकारसमोर पायाभूत सुविधांचे मोठे आव्हान असेल.
Gayatri Laxmikant MaliMMRDAच्या 235 इंजिनिअर पदांच्या भरती परीक्षेच्या निकालावर काही उमेदवारांनी आक्षेप घेतल्यानंतर प्राधिकरणाने तीन सदस्यीय उच्चस्तरीय समितीमार्फत तक्रारींची चौकशी करण्याचा निर्णय घेतला आहे. उमेदवारांना पुरावे आणि कागदपत्रांसह 30 दिवसांत तक्रार करण्याची संधी देण्यात आली असून, चौकशी पूर्ण होईपर्यंत भरतीची पुढील प्रक्रिया स्थगित राहणार आहे.
Gayatri Laxmikant Maliपुण्यातील बावधन परिसरात पावसामुळे रस्त्यांची अवस्था बिकट झाली असून, मोठमोठ्या खड्ड्यांमध्ये पाणी साचल्याने वाहनचालकांना मोठ्या अडचणींचा सामना करावा लागत आहे. खड्डे दिसत नसल्याने अपघाताचा धोका वाढला असून, दुचाकीस्वारांसाठी परिस्थिती अधिक धोकादायक बनली आहे. रस्त्यांची तातडीने दुरुस्ती आणि योग्य जलनिस्सारण व्यवस्था करण्याची मागणी नागरिकांकडून होत आहे.
Gayatri Laxmikant Maliराहुल गांधी 22 ऑगस्टला पुण्यात ‘छात्रों की गूंज’ कार्यक्रमात विद्यार्थिनींशी संवाद साधणार आहेत. मात्र, पुणे पोलिसांनी 18 ते 31 ऑगस्टदरम्यान प्रतिबंधात्मक आदेश लागू केल्याने कार्यक्रमावर निर्बंधांचं सावट आहे. या निर्णयावर काँग्रेसने आक्षेप घेत प्रशासनावर कार्यक्रम रोखण्याचा आरोप केला असून, गरज पडल्यास न्यायालयात जाण्याची तयारी दर्शवली आहे.