A multilingual Pune local news platform powered by a CMS-based publishing workflow.
Sukanya Peraneगणेशोत्सवासाठी मुंबईहून कोकणातील गावी निघालेल्या गणेशभक्तांच्या वाहनाला रत्नागिरीतील राजापूर येथे भीषण अपघात झाला. वाहनात सुमारे 15 प्रवासी असल्याची माहिती असून त्यापैकी आठ ते दहा जण गंभीर जखमी झाले आहेत. सुदैवाने अद्याप कोणतीही जीवितहानी झाल्याचे वृत्त नाही. अपघाताचे नेमके कारण काय, याचा तपास राजापूर पोलीस करत आहेत.
Sukanya Peraneचिपळूण तालुक्यातील वालोपे गणेशवाडी येथे वाशिष्ठी नदीकाठी कपडे धुणाऱ्या महिलेवर मगरीने हल्ला केला. मगरीने महिलेला पाण्यात ओढण्याचा प्रयत्न केला; मात्र १० वर्षांच्या मुलीने धाडसाने आईचा हात पकडून तिला बाहेर खेचले. या घटनेत महिला जखमी असून कामथे रुग्णालयात उपचार सुरू आहेत.
Madhura Manbhekarरत्नागिरीच्या खेडमधून वाहणाऱ्या नारंगी नदीचा पूर ओसरल्यानंतर एका महाकाय मगरीचा वावर समोर आला आहे. सुसेरी, चिंचघर, खारी गाव आणि डेंटल कॉलेज परिसरात मगर दिसल्याने नागरिकांमध्ये भीतीचे वातावरण निर्माण झाले आहे. वन विभागाने सतर्कतेचा इशारा देत नदीकाठ आणि पाणथळ भागात जाणे टाळण्याचे आवाहन केले असून मगरीच्या हालचालींवर लक्ष ठेवण्यात येत आहे.